ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
მიგრაციის მართვის სამაგისტრო პროგრამა შემუშავებულ იქნა ტემპუსის პროექტის: „მიგრაცია და უმაღლესი განათლება უნარებისა და შესაძლებლობების განვითარებისათვის“ ფარგლებში, კონსორციუმში შემავალი 16 პარტნიორი უნივერსიტეტისა და საერთაშორისო ორგანიზაციის მონაწილეობით.
სამაგისტრო პროგრამის მთავარი უპირატესობები:
- უნიკალური ინტერდისციპლინური პროგრამა, შემუშავებული საუკეთესო საზღვარგარეთული გამოცდილებისა და საქართველოს დასაქმების ბაზრის მოთხოვნილებათა გათვალისწინებით;
- პროგრამა ხორციელდება ორი წამყვანი უმაღლესი სასწავლებლის მიერ ერთობლივად;
- სასწავლო პროცესს უძღვებიან ივანე ჯავახიშვილის სახელობის თბილისის სახელმწიფო უნივერსიტეტისა და საქართველოს საზოგადოებრივ საქმეთა ინსტიტუტის (GIPA) პროფესორები;
- მიგრაციის საკითხთა სამთავრობო კომისიასა და ივანე ჯავახიშვილის სახელობის თბილისის სახელმწიფო უნივერსიტეტს შორის გაფორმებულია მემორანდუმი, რომელიც სამაგისტრო პროგრამასა და კომისიას შორის მჭიდრო თანამშრომლობის მნიშვნელოვანი საფუძველია;
- პროგრამის სტუდენტებს აქვთ შესაძლებლობა, გაიარონ პრაქტიკა სათანადო დაწესებულებებში;
- სწავლების დაბალი გადასახადი, რომელიც სემესტრულად 1125 ლარია და რომლის გადახდაც შესაძლებელია სამ ეტაპად სემესტრის განმავლობაში; ამას გარდა სწავლის საფასურზე ვრცელდება საერთო სამაგისტრო გამოცდების შედეგად მოპოვებული გრანტი.
მიგრაციის მართვის სამაგისტრო პროგრამაზე დაშვების წინაპირობა:
- ბაკალავრის ხარისხი შემდეგ სპეციალობებში: ჰუმანიტარული მეცნიერებები; სამართალი; ეკონომიკა, სოციალური და პოლიტიკური მეცნიერებები;
- საერთო სამაგისტრო გამოცდები;
- გამოცდა ინგლისურ ენაში (B2 დონის);
ინგლისური ენის გამოცდისაგან გათავისუფლება ხდება შემდეგი სერთიფიკატებით: IELTS (2 წლიანი ვადით - შეფასება არანაკლებ 5,5 ქულისა), TOEFL (2 წლიანი ვადით- შეფასება არანაკლებ 81 ქულისა), FCE (უვადო, არანაკლებ C შეფასებისა); - შიდა საუნივერსიტეტო წერითი გამოცდა (ესსე მიგრაციის აქტუალურ საკითხებზე).
მიღების ვადები და წარმოსადგენი დოკუმენტაციის დეტალური ნუსხა.
საკონტაქტო პირები:
მარინე კილაბერია – ივანე ჯავახიშვილის სახელობის თბილისის სახელმწიფო უნივერსიტეტი; მობ.: 591 05 09 11.
ელ-ფოსტა: marine.kilaberia@tsu.ge
ირინე ბაქრაძე – საქართველოს საზოგადოებრივ საქმეთა ინსტიტუტი (GIPA)
ელ-ფოსტა: i.bakradze@gipa.ge